काठमाडौँ । काठमाडौँ क्षेत्र नं. १ का राष्ट्रिय प्रजातन्त्र पार्टी (राप्रपा) का केन्द्रीय सदस्य चोकराज घिमिरेले पार्टी परित्याग गरेका छन्।
रविन्द्र मिश्रसँगै राप्रपामा समाहित भएका घिमिरेले काठमाडौँ क्षेत्र नं. १ बाट मिश्रलाई उम्मेदवार बनाइएको विषयमा असन्तुष्टि जनाउँदै पार्टी छाडेका हुन्। उक्त क्षेत्रमा टिकट वितरणलाई लिएर राप्रपाभित्र चर्को विरोध देखिएको छ।
घिमिरेले अब आफू कुनै पनि राजनीतिक दलमा नरहेको स्पष्ट पार्दै स्वतन्त्र रूपमा रहने घोषणा गरेका छन्। यस घटनाले काठमाडौँ क्षेत्र नं. १ मा राप्रपाभित्र बढ्दो असन्तुष्टि उजागर गरेको छ। पार्टीभित्रको आन्तरिक विवाद र नेतृत्वको निर्णयप्रति असहमतिको असर संगठनात्मक रूपमा पनि पर्न सक्ने देखिएको छ।