काठमाडौं । शिक्षा, विज्ञान तथा प्रविधि मन्त्रालयले नयाँ शैक्षिक सत्र सुरु हुनुअघि विद्यार्थी भर्ना गर्ने र नियम विपरीत शुल्क असुल्ने विद्यालयहरूलाई कडा कानुनी कारबाहीको चेतावनी दिएको छ।
मन्त्रालयले नयाँ सत्र २०८३ वैशाख १५ गतेदेखि मात्र भर्ना कार्यक्रम सञ्चालन गर्न निर्देशन दिएको छ। तोकिएको मापदण्डविपरीत लिइएको कुनै पनि शुल्क अवैध ठहरिने र फिर्ता गर्नुपर्ने उल्लेख गरिएको छ। साथै, निर्देशनको अवज्ञा गर्ने विद्यालयलाई शिक्षा ऐन, २०२८ अनुसार जरिवाना वा सम्बन्धन खारेजीसमेतको कारबाही हुन सक्ने चेतावनी दिइएको छ।
मन्त्रालयले स्थानीय तहहरूसँग समन्वय गरी नियम उल्लंघन गर्ने विद्यालयहरूको अनुगमन गर्ने र अभिभावकलाई पारदर्शी सेवा सुनिश्चित गर्ने लक्ष्य राखेको छ।