काठमाडौं । जापानमा जारी २०औँ एसियाली खेलकुद (एसियन गेम्स) मा नेपालले पदकको खाता खोलेको छ । बुधबार भएको कराते प्रतियोगितामा नेपालका तेन्जिङ शेर्पाले कास्य पदक जित्दै देशलाई पहिलो सफलता दिलाएका हुन् ।
तेन्जिङले पुरुष कुमिते ८४ केजीभन्दा माथिको तौल समूहमा नेपालको तर्फबाट यो ऐतिहासिक पदक पक्का गरेका हुन् । टोयाहाशी जिम्नेसियममा बुधबार भएको कास्य पदकका लागि भएको निर्णायक खेलमा उनले लाओसका खेलाडी वाथाना जायासनलाई ९-१ को फराकिलो अंक अन्तरले पराजित गरे ।
त्यसअघि, सेमिफाइनल खेलमा भने तेन्जिङ इरानका बलिया प्रतिस्पर्धी महमुद नेमातीसँग ५-० ले पराजित भएका थिए । सेमिफाइनलको हारपछि उनले कास्य पदकका लागि प्रतिस्पर्धा गर्ने मौका पाएका थिए, जसमा उनले उत्कृष्ट पुनरागमन गर्दै सफलता हात पारे ।