काठमाडौं – इङ्गल्यान्डले फिफा विश्वकप २०२६ को क्वार्टरफाइनलमा नर्वेमाथि २–१ को रोमाञ्चक जित निकाल्दै सेमिफाइनलमा स्थान सुरक्षित गरेको छ।
मियामी स्टेडियममा सम्पन्न प्रतिस्पर्धात्मक खेल निर्धारित ९० मिनेटमा १–१ को बराबरीमा सकिएपछि अतिरिक्त समयमा पुगेको थियो।
नर्वेले खेलको ३६औँ मिनेटमा मार्टिन ओडेगार्डको उत्कृष्ट पासमा एन्ड्रियास सेल्डरअपको गोलमार्फत अग्रता लिएको थियो। तर पहिलो हाफको इन्जुरी समय (४५+२) मा एन्थोनी गोर्डनको पासलाई सदुपयोग गर्दै जुड बेलिङ्घमले बराबरी गोल फर्काए।
दोस्रो हाफमा दुवै टोलीले केही उत्कृष्ट अवसर सिर्जना गरे पनि गोल गर्न नसक्दा खेल अतिरिक्त समयमा पुगेको थियो।
अतिरिक्त समयको ९३औँ मिनेटमा बेलिङ्घमले व्यक्तिगत दोस्रो गोल गर्दै इङ्गल्यान्डलाई २–१ को अग्रता दिलाए, जुन अन्ततः निर्णायक सावित भयो।
यस जितसँगै इङ्गल्यान्ड विश्वकपको अन्तिम चारमा प्रवेश गरेको छ भने नर्वेको उपाधि यात्रा क्वार्टरफाइनलमै समाप्त भएको छ।