रुपन्देही । पाल्पाको तिनाउ खोलामा पौडी खेल्दै गरेका एक भारतीय युवा बेपत्ता भएका छन् । दुई जना साथीसँग आएको र आज बिहान साढे ९ बजेतिर खोलामा रहेका उनलाई माथिल्लो तटीय क्षेत्रमा पानी परेर खोला बढेपछि भेलले बगाएको थियो ।
उनीसँगै आएका युवाले पौडी खेल्न नजानेको सँगै पौडी खेलेको दाबी गरेका छन् । प्रहरीले अहिले खोजबिन रहेकाले उनी भारतीय मूलका भएपनि कहाँबाट आएका हुन् भन्ने जानकारी नभएको जनाएको छ ।
तिनाउ गाउँपालिका–३, ड्यामसाइड क्षेत्रमा तीन जना भारतीय मूलका युवाहरु बिहानै पौडी खेल्न पुगेका थिए । दोभान प्रहरी चौकी, उनका दुई साथी र स्थानीयले उनको खोजी गरिरहेका प्रहरीले जनाएको छ ।