काठमाडौँ । नेपाली महिला कबड्डी टोली २०औँ एसियन गेम्सको सेमिफाइनलमा प्रवेश गरेको छ । समूह चरणको अन्तिम खेलमा श्रीलंकालाई पराजित गर्दै नेपालले सेमिफाइनल यात्रा तय गरेको हो ।
जापानको तोकाइ सिटिजन व्यायामशालामा भएको खेलमा नेपालले श्रीलंकामाथि ३४-२५ को जित निकालेको हो । पहिलो हाफमै १९-१३ को अग्रता बनाएको नेपालले दोस्रो हाफमा १५-१२ को स्कोर गर्दै ९ अंकको अन्तरमा खेल आफ्नो पक्षमा पारेको थियो ।
समूह ‘बी’ मा रहेको नेपालले समूह चरणमा थाइल्यान्डलाई पराजित गरेको थियो भने चाइनिज ताइपेइसँग पराजित भएको थियो । समूहबाट नेपालसँगै चाइनिज ताइपेइ सेमिफाइनलमा पुगेका छन् ।
सेमिफाइनलमा स्थान बनाएसँगै नेपाली महिला कबड्डी टोलीको पदक सुनिश्चित भएको छ । अब नेपालले फाइनल प्रवेशका लागि शुक्रबार सेमिफाइनल खेल खेल्नेछ ।
यसअघि १९औँ एसियन गेम्समा पनि नेपाली महिला कबड्डी टोलीले कांस्य पदक जितेको थियो । यसपटकको प्रतियोगितामा पनि नेपालले कम्तीमा कांस्य पदक सुनिश्चित गरेको छ ।